Сакате да јадете хамбургер, но немате соодветни лепчиња? Прочитајте го овој рецепт и почнете да ги правите најубавите хамбургери во највкусното лепче!
Потребни состојки:
- 1 коцка свеж квасец (40гр)
- 1 лажичка шеќер
- 1 лажица пченично брашно
- 350мл млако млеко
За тестото:
- 700гр. пченично брашно
- 1 лажичка сол
- 1 кесичка прашок за пециво
- 50мл. масло за готвење
- 150мл. млеко
За премачкување:
- 1 јајце
- сусам
Подготовка:
1. Раздробете го квасецот, помешајте го со шеќерот, брашното и топлото млеко и оставете го да надојде 5 минути.
2. На брашното додадете му сол,прашок за пециво,масло за готвење и надојдениот квасец. Со топло млеко замесете мазно тесто. Тестото покријте го со крпа и оставете го на топло место додека неговиот волумен не се дуплира.
3. Премесете го тестото и поделете го на 9 делови во облик на топчиња. Ставете ги во соодветен сад за печење, премачкајте со јајце и посипете сусам.
4. Печете во загреана рерна на 180 степени околу 30 минути.
Пријатен апетит!
