Овошна салата во портокал, зачинета со сируп и рум е одличен десерт за студените зимски денови.
Оваа вкусна овошна салата ќе ви ја задоволи вашата желба за слатки, а истовремено ќе го зајакне вашето тело со многу витамини. Многу лесно се подготвува и изгледа многу декоративно.
Состојки:
- 2 портокала
- 200 гр. јагоди
- семе од калинка
За сируп:
- 100 мл. вода
- 3 лажици шеќер
- 50 мл. рум
- 1/3 лажица цимет
Можете да го прилагодите односот на овошјето во салатата, а покрај јагоди, можете да додадете и друго омилено овошје – на пример, оваа салата може да се направи и со киви и банана.
Како да ја направите овошната салата во портокал?
Загрејте ја водата со циметот и шеќерот додека шеќерот не се растопи целосно, па оставете малку да се излади и додадете го румот.
Портокалите исечете ги на половина и нежно извадете ја пулпата со помош на лажица, а потоа исецкајте ја на парчиња. Исечете ги исто така и јагодите и комбинирајте ги со портокалите и семето од калинка. Истурете ја смесата во половината од портокалот и пелијте ја со сирупот.
