Различните емоции ја дефинираат вашата личност привлекувајќи ги вистинските луѓе и ситуации.
Во желбата за нешто, често не сфаќаме дека тајната на привлекувањето лежи во магнетизмот на нашето срце. Емоциите што ги негуваме во себе привлекуваат луѓе и настани што се во склад со нив. Ваша задача е да ја откриете моќта што ви е дадена.
Емоциите делуваат на овие 4 начина во процесот на привлекување:
- Луѓето и настаните што сте ги привлекле во вашиот живот, всушност ве рефлектираат вас и вашата личност во форма на огледало. Огледалото нема секогаш да ги рефлектира истите луѓе и настани, туку оние што се привлечени од магнетизмот на вашето срце.
- Привлекувате сличности и секој пат кога ќе видите некоја заедничка особина, се пронаоѓате и самите себеси. И секој пат кога ќе сфатите дека поради тоа ја сакате другата личност, се сакате и себеси малку повеќе.
- Се чувствувате привлечени од спротивното. Секој пат кога ќе забележите разлика во однос на другата личност, чувствувате каде и самите се наоѓате. И секој пат можете да одлучите во која насока сакате да продолжите и со тоа ќе добиете уште поголема моќ.
- Она што не го сакате, го привлекувате толку силно затоа што поттикнува бурни чувства и претстави. Тие се содржина на вашиот магнет кој што привлекува други луѓе.
