Пишувавме за уметност на дланка, а сега ќе погледнеме и уметност на персиски теписи.
Матео е уметник кој цртал на улиците веќе 12 години. Во 2015, додека живеел во Барселона, почнал да го користи традиционалниот Azulejos керамички дизајн кој се гледа често во Шпанија и Португалија. Почнал да искористува обоени шаблони во неговата работам и тоа му станало заштитен знак како уличен уметник. Ова го довело до тоа да се заинтересира и да ги проучува традиционалните вештини на старите култури низ светот, и нивните симболи. Барал начин да ги поврзе традиционалните уметности и техники во неговите цртежи и урбани дизајни.
Теписите се едни од најстарите, визуелно богати и значителни традиционални видови на уметност кој можат да се пронајдат. Традиционално се изработувани од страна на жени, па затоа Матео решил да црта женски портрети врз нив.
Матео се смета себеси за спиритуална личност, тој медитира и прави мал ритуал пред почетокот на секое дело, пред да почне со процес на цртање.
„Не смеам да правам грешки бидејќи цртам директно врз вреден тепих – секоја линија и движење мора да биде совршено.“ – вика тој.
Резултатот е преубава мешавина на современа урбана уметност со традиционални техники и култура. Дуалитетот е прекрасен – со додавање на човечки елемент на традиционален тепих, се добива слабоко значење на една универзална свест.
