Љубовта нѐ заслепува, па некои важни лекции не успеваме да научиме. Но, животот е прекраток за да се сопнуваме постојано на истиот камен.
Овие три лекции за љубовта многу жени ги учат предоцна, а некои и никогаш…
1. Никого не можете да натерате да ве сака
Сѐ што можеш да направиш е да сакаш. Сѐ останато зависи од другата личност. Колку и да се трудите да ја сакате и да се грижите за другата личност, тоа нема да предизвика исти емоции кај неа. Поентата е да бидеме најдобра верзија од себе, за да може да понудиме максимални причини да нѐ сакаат.
2. Човекот дава љубов онака како знае, а не како вие очекувате
Секој ги изразува своите емоции на свој начин. Не можете никому да кажете како треба да ве сака. Љубовта е одраз на човековата душа. Научете да ја прифаќате љубовта онаква каква што е. Ценете го тоа и бидете благодарни.
3. Безусловната љубов не важи само за другите, туку и кон себе
Знаеме да сакаме под одредени услови, знаеме и да осудуваме и критикуваме. Но, ако престанеме со ова, можеби ќе осетиме вистинска љубов. Мора да почнете од себе: научете да се сакате себеси во било кој облик, а потоа и другите.
