Сите сакаме компири, па уште ако додадете кајмак, вкусот ќе биде фантастичен.
Состојки:
- 6 компири
- 300 г пилешко бело месо
- 200 г кајмак
- шолја варен грашок
- исечкан варен морков
- 100 г сланина
- сол
- бибер
- маслиново масло
Подготовка:
Измијте ги компирите и сварете ги со кора. Пилешкото испечете го, па исечкајте го на парчиња. Во чинија помешајте го варениот зеленчук и пилешкото, потоа посолите и побиберите.
Варениот компир пресечете го на четири дела и внатре ставете по една лажичка од смесата од месото и зеленчукот, па одозгора рамномерно распоредете го кајмакот. Преку кајмакот ставете пропржена сланина.
Попрскајте маслиново масло и печете околу десет минути на 200 степени. Служете топло со сезонска салата.
