Музиката има моќ да предизвика емоции поради нејзината способност да влијае на мозокот и да предизвика низа психолошки и физиолошки реакции.
Што се случува со нашето тело кога слушаме квалитетна музика?
Музиката активира различни делови од мозокот, вклучувајќи ги и оние поврзани со емоции и сеќавања. Особено реагира лимбичкиот систем, којшто игра клучна улога во емоционалната обработка.
Се стимулира ослободување на нервотрансмитери, вклучувајќи допамин, серотонин и окситоцин коишто се поврзани со задоволство и подобрување на расположението.
Се покажало дека при слушање музика се намалуваат хормоните на стрес, како што е кортизолот. Некои истражувања покажале дека музиката влијае и на подобра активација на имуните клетки.
