Потковица, бубамара, бел лук.. Интересни детали кои сигурно не сте ги знаеле.
Едно американско истражување покажува дека амајлиите имаат магична моќ, но само доколку вистински верувате во нив. Играчите на голф кои имале „среќна топка“ имале два пати повеќе успеси да ја фрлат топката во дупката, во однос на оние кои се потпирале исклучиво на својата вештина.
Доколку сте од оние кои веруваат во „знаци пред патот“, за вас имаме добра вест. Амајлиите можат да помогнат во дисциплини како што е спортот, но ќе ви откријат броеви и за седмица на лото. А доколку не сте знаеле, еве што некои од нив значат.
Бел лук
Белиот лук го прави човек отпорен на удари и убоди, а доколку го носите во џебот, ќе ви го олесни пешачењето. Доколку го закачите во собата, ќе ги превземете врз себе сите болести и така ќе ги заштитите домашните.
Копче
Доколку копчето испадне рано наутро, денот ќе донесе несреќа, како и доколку облечете нешто наопаку. Во случај наутро да сретнете оџачар, ќе ви донесе среќа и тогаш би требало да допрете копче и да замислите желба.
Бубамара
Бубамарата донесува среќа на личноста на која ќе и слета на рака. Се брои додека не одлета со цел да се дознае колку години некој ќе живее но и кога некоја девојка ќе се омажи. Доклку ја истерате бубамарата, тоа донесува несреќа.
Капинки
Доколку човек се провлече под дрво со капинки тоа помага против болести и магии. Англичаните ја избегнувале затоа што сметале дека ѓаволот влегол во дрвото и го проколнал и затоа има таква боја.
Седумка
Иако седум е среќен број, за деновите во месецот кои го содржат бројот 7 (7,17,27) подобро е да не се планираат патувања, испити или венчавки затоа што донесуваат несреќа.
Потковица
Донесува голема среќа, штити од несреќа, молња и оган. Доколку би биле ставени во колевка, го штитат бебето од лоши духови а можат да се стават и на вратата од домот за да биде безбеден но и на кола за да бидете безбедни во текот на возењето.
