Откако во јавноста беше соопштено дека ќе се разделат, актерката Анџелина Џоли се обиде да го оцрни Бред Пит и да го прикаже како лош татко, наведуваат денеска американските таблоиди, дополнувајќи дека откако сфатила дека Холивуд не е на нејзина страна, таа ќе го „сврти листот“.
– Сега таа интензивно трага по публицист и агент со цел да и помогнат да ја смени тактиката, тврди еден холивудски менаџер.
Наводно, откако го оцрни Пит со цел судовите да ги сврти во своја полза и да добие целосно старателство над децата, Холивуд застанал целосно зад Бред Пит. Медиумите пишуваат дека откако Џоли увидела дека од целата работа излегува дека тој е „златното момче“, а таа само негова придружничка, сега ќе се обиде со нова тактика.
– Наскоро очекувајте интервјуа во кои Анџелина повторно ќе зборува како Бред е прекрасен татко и оти засекогаш ќе останат семејство, но и фотографии од насмеаното семејство на некое патување. Таа е кралица на „наместени„ фотографии и манипулации, тврдат американските ПР експерти.
