Лубеницата може да ви помогне да изгубите тежина, а доколку одлучите да се детоксицирате со лубеница, најдобро е да трае од 9 до 13 дена, но помага и забрзаната детоксикација од пет дена.
Ако одлучите за подолгорочен план, тој ќе се состои од две фази. Првите три дена се јаде само лубеница. Во втората фаза, се додава друга храна и лубеницата се јаде како закуска.
Втората фаза не е толку ограничувачка како првата и може да трае од шест до десет дена, но не содржи многу друга храна. Бидејќи лубеницата содржи многу вода, можеби нема да треба да пиете вода нормално.
Лубеницата го мами гладот
Во втората фаза, менито изгледа вака:
за појадок, јадете сад од овесна каша со млеко и неколку лажички кравјо сирење
за ужина од 2 до 3 парчиња лубеница
за ручек пилешко филе, риба или посно парче говедско месо, каква било салата од зеленчук со малку маслиново масло и оцет
за вечера 2 до 3 парчиња лубеница
Лубеницата може да помогне во слабеењето благодарение на фактот дека ќе го измами гладот и ќе има корисен ефект врз дигестивниот систем. Покрај тоа, лубеницата е природно слатка, па затоа може да помогне кога има криза за чоколадо или сладолед. Влакната со која е богата ќе ве одржи сити и ќе спречи прејадување.
Ако одлучите да детоксикувате пет дена, следете го менито подолу.
Мени за 1-ви ден
Појадок: парче лубеница, шолја кафе или зелен чај
Ручек: 150 гр варено посно говедско месо, 150 гр варен ориз, парче лубеница
Вечера: 100 гр свежо кравјо сирење, парче интегрален леб, парче лубеница
Мени за 2-ри ден
Појадок: парче лубеница, шолја кафе или зелен чај
Ручек: 100 гр варени пилешки гради, парче леб од интегрално брашно, парче лубеница.
Вечера: 100 гр риба на скара, 100 гр варен ориз, 2 парчиња лубеница
Мени за 3-ти ден
Појадок: парче лубеница, парче тост, шолја кафе или зелен чај
Ручек: 50 гр тестенини со сос од домати. 3 парчиња лубеница
Вечера: салата од зеленчук, неограничени количини лубеница
Мени за 4-ти ден
Појадок: 2 парчиња лубеница
Ручек: супа од брокула, парче леб од интегрално брашно, 2 парчиња лубеница
Вечера: 3 компири со средна големина печени во рерна, 2 парчиња лубеница
Мени за 5-ти ден
Појадок: 3 парчиња лубеница
Ручек: 150 гр варено посно говедско месо, неограничена лубеница
Вечера: парче леб од интегрално брашно, 100 гр кравјо сирење, 3 парчиња лубеница
Забелешка:
Иако лубеницата е богата со хранливи материи и има малку калории, таа има висок гликемиски индекс. Кај луѓето кои се чувствителни на покачување на шеќерот во крвта, потребна е доза на претпазливост и лубеницата мора да се комбинира со храна со низок гликемиски индекс, на пр. ореви, цреши, ‘ржан леб, леќа, јаболка.
Откако ќе ја завршите диетата со лубеница за да го одржите процесот на слабеење, заменете ги сите сокови со обична вода и лубеница. Исечете две парчиња лубеница на помали парчиња и замрзнете ги.
Потоа ставете неколку замрзнати парчиња во чаша и додадете вода. Мразот од лубеница ќе ја олади водата и ќе му даде благ вкус. Откако ќе ја испиете водата, изедете ја лубеницата. Со помош на лубеница намалете ја големината на оброкот. Јадењето помали оброци е еден од најдобрите начини на слабеење, а лубеницата може да ви помогне да одржите чувство на ситост.
