Клуни (59) откри дека поради улогата како астроном кој преживеал апокалиптичен настан во The Midnight Sky морал да ја симне тежината , а поради тоа завршил во болница. Актерот е и режисер на научно-фантастичната драма, чија премиера на Netflix е закажана за 23 декември.
Лекарите му дијагностицирале панкреатит, односно воспаление на панкреасот, што може да биде опасно по живот.
Мислам дека се трудев премногу брзо да ослабам и веројатно не се грижев доволно за себе… Ми требаа неколку недели да заздравам, а како режисер, тоа не е така лесно, затоа што ти треба енергија. Бевме и на глечер во Финска, што исто така, ја отежнуваше работата. Но, тоа секако помогна во градењето на карактерот – раскажува Клуни
Меѓу другото, за улогата морал да пушти и долга брада, но тоа и не било на така големо задоволство на неговата сопруга Амал.
– Мојата сопруга и ќерка ми беа навистина среќни кога ја снема, бидејќи претходно не можевме да го најдеме лицето мое под целиот тој неред – додава тој.
