Фотографиите со храна на инстаграм се особено популарни. Но, стручњаците советуваат како да создадете фотографија која ќе се разликува од останатите и ќе привлече големо внимание и лајкови.
Доколку фотографирате сирова храна, како што е суши:
- Доловете ја текстурата и боите на јадењето така што пред фотографирањето премачкајте го со обична вода.
- Поставете го блицот кон таванот за да одбиете светлина и да создадете 3Д ефект на фотографијата.
- Особено е важно да посветите внимание на композицијата. Пронајдете идеален агол за фотографијата да го пренесе богатството на вкусот.
Сакате совршена фотографија од мешана салата?
- Потребно е да внимавате на ускладувањето на бојата на храната со реквизитите.
- Реквизитите подгответе ги пред да ја поставите храната.
- Храната за фотографирање се подготвува непосредно пред фотографирањето за да изгледа свежа.
Совршен хамбургер
- Премачкајте ги врвовите со маслиново масло за да изгледа примамливо.
- Хамбургерот не смее да изгледа спласнат, неговата висина е индикатор на богатството кое го носи во себе, затоа се препорачува да додадете и помфрит за уште поголем ефект.
Авокадо
- На авокадото потребно е да се истиснат неколку капки лимон за да се спречи менувањето на неговата боја од свежа зелена во кафеава.
- На намазот од авокадо исто така треба да се додадат неколку семки, зачини или јаткасти плодови за да се додадат различни бои и нијанси на фотографијата.
- Најдобро е да се користи природна светлина како би се нагласиле текстурите и би се избегнал отсјајот.
Примамлива пица
- Потребно е да имате свежи зачини, како босилек кои се ставаат на готова пица.
- Исто така, кашкавалот и сирењето се стврднуваат пребргу, а може да се вратат во првобитната форма ако ја загреете пицата со помош на фен.
