Една од најславните манекенки на денешницата Хајди Клум не препушта ниту една маска за Ноќта на вештерките на случајноста, па од година во година воодушевува со своите креативни маски и неверојатни трансформации.
Оваа година Хајди одлучи да се маскира во популарниот анимиран лик, познатата Фиона од цртаниот филм „Шрек“, а нејзиното момче, музичарот Том Каулиц се маскираше во Шрек.
Хајди при маскирањето внимавала на секој детал, а преобразбата во Фиона траела дури неколку часа. За да го комплетира целосниот изглед и помогнал тим од стручњаци и шминкери без кои оваа маска веројатно не би била толку оригинална.
Целиот процес на изработка на маската и костумите Хајди го поделила на својот Инстаграм профил со обожавателите кои и оваа година ги остави без текст.
Хајди и Том своите маски ги покажаа на традиционалната забава по повод Ноќта на вештерките во Њујорк, каде што стигнаа во реплика од кочијата од цртаниот филм, а со себе го земаа и малиот Шрек во количка. Тие беа дефинитивно најоригиналната маска на вечерта.
