Шпанија со минимална победа против Чешка (1:0) тргна во одбрана на титулата на ЕП.
Денешниот натпревар не беше претерано атрактивен, а Чешка на нападите на Црвената фурија оддолеваше се до самиот финиш, кога е виден и единствениот гол на натпреварот.
Шпанија во поголем дел од натпреварот беше агилен тим на натпреварот, а најдобрата шанса ја имаше Алваро Мората во 16 минута кога неговиот удар одлично го одбрани Петр Чеш.
Второто полувреме донесе нови напади на Шпанците, кои се закануваа преку Алба, Мората и Нолито, но резултатот не се менуваше до крајот. Црвената фурија до победа дојде во 87 минута, кога Џерард Пике конечно го проби бедемот на Чешка и на својата репрезентација донесе вредни три бода.
Чесите имаа шанса во првата минута од судиското продолжение, но Де Геа го запре ударот на Дарида. Во групата Д, Шпанија и Хрватска имаат по три бода, додека Чешка и Турција без бодови после првото коло.
