Успехот доаѓа во различни форми, и во различно време. Успех е она кое што Вие, во Вашиот живот, сте си зацртале дека тоа ќе биде. Сечија приказна е различна и се движи со различна брзина, и ничии две животни линии не се идентични. Но, сепак, постојат одредени правила кои важат за сите видови на успех.
- Поставете краен рок и направете план да одите таму. Запомнете, целта е само сон со краен рок. Речете си на себеси дека мора до точно тогаш и тогаш да направите нешто, и целете натаму.
2. Преземете акција согласно вашиот план. Правете нешто секој ден за да се движите кон вашата цел. Не е битно колку големи ќе бидат овие чекори – битно е да ги правите. Не за џабе нашиот народ кажал – „Зрно по зрно – погача“.
3. Решете однапред дека ќе истраете се додека не успеете, дека никогап, никогаш, нема да се откажете. Патот знае да биде трнлив, тежок, болен, долг, мачен… но мислете на онаа слатка финална фаза, кога успехот ќе ви биде на дофат, и мислете на моментот кога конечно ќе успеете… сите маки ќе ви се исплатат!
4. Одлучете точно што сакате и каде сакате да одите. Пре-планирајте го својот пат. Одбележете кои ви се точните патеки кои мора да ги поминете, кои ви се сите одредени чекори кои мора да ги направите, за да може да имате успех.
