Момци, која од овие две дами прва би ви го привлекла погледот? А која прва би добила покана за излегување?
Ако вашиот избор е дамата од левата страна, тогаш ви честитаме, вие сте просечен маж.
Всушност, тврдењето на жените дека мажите секогаш им приоѓаат на провокативните девојки, отколку на оние просечните, е сосема точно. Дури ако една пристојно облечена девојка е згодна, онаа која покажува поголем дел од кожата пропорционално ќе добие и повеќе додворувачи. Иако мажите ова никогаш гласно нема да го признаат, сепак, има вистина.
Зошто е тоа така? Постојат две главни причини.
Прво, мажите се програмирани да бираат со очите и прстите. Жените се програмирани да ги мерат мускулите и дебелите паричници. Мажите, помеѓу сиромашните, а згодни и убави, или богати, но грди, секогаш ќе ги изберат првите. Жените не размислуваат на овој начин, па факторот пари, или поточно способноста за заработување, кај нив е поважна од изгледот.
Второ, повеќето мажи „живнуваат“ во зрелоста. Кога се адолесценти, повеќето од нив не се привлечни затоа што изгледаат срамежливо, па во секое училиште има само неколку момци по кои се вртат девојките. Потоа, кога оваа генерација ќе порасне, девојките бараат нешто повеќе од изгледот, па се приближуваат до тогаш непосакуваните момци. Така се добиваат фраери кои не може да се наречат дека се згодни, ниту пак успешни, а мислат дека се заводници.
Така функционираат мажите и со тоа жените би можеле да се согласат, само доколку пред бракот не ги променат правилата на игра. Старото правило на мажите вели дека убавите жени се за забавување, а грдите за брак, па, верувале или не, тоа не е правило само на Балканот. И мажите ширум светот размислуваат вака.
Нивната логика е следнава: Убавата жена секогаш ќе има додворувачи околу себе, па големи се шансите еден ден да потклекне на искушението. Според тоа, убавата жена бара и повеќе ресурси, како што е време или пари. Од друга страна пак, грдата жена, од нивна гледна точка, е сигурен лов кој никогаш нема да избега.
Па, кој поминува подобро: Убавите или грдите жени? По оваа логика, убавите жени, но само додека не посакаат да се мажат. Што велите вие?
