Ова е веројатно наједноставниот рецепт на светот за кроасани.
Точно е дека во варијантата со полнење треба да се додаде и четвртата состојка – но тие се вкусни и без неа. Проверете како да ги направите чекор по чекор!
Состојки:
- 3 чаши пченично брашно
- 250 гр ладен путер
- Чаша павлака со 18% маснотии
- По желба: мармалад или џем од сливи
Подготовка:
Додадете го путерот во брашното. Исечете го путерот на парчиња со нож. Додадете ја павлаката и замесете меко тесто. Ставете го тестото во фрижидер еден час. После тоа време, извадете го тестото и поделете го на помали парчиња. Од тестото направете тенки кори. Секоја кора ја исекуваме на еднакви триаголници – од кои ќе ги завиткаме и обликуваме кроасаните.
Можете по избор да додадете малку од омилениот џем или мармалад. Можете да ги наполните и со чоколаден крем. Ставете лажичка џем во средината на секој триаголник, а потоа завиткајте ги кроасаните.
Покријте ја тавата со хартија за печење. Наредете ги кроасаните и печете ги околу 20 минути на 200 степени. Кога малку ќе се изладат, можете да ги посипете со шеќер во прав. Пријатно!
