Најбитните дрва во светот

Погорниот рекорд се однесуваше на единствено, индивидуално дрво. Но, постојат дрвни системи кои се наречени клонови. Тие потекнуваат од еден коренов систем, но имаат многубројни стебла. Најстара таква формација се верува дека е формација на клонови од јасики или трепетлики (Populus tremuloides) во Јута. Генетските тестирања викаат дека оваа мала шумичка од клонови наречена Пандо, треба да е стара околу 80000 години! Се смета дека е еден организам, дека тежи околу 6000 тони и дека е најстариот и најтежок жив оорганизам на Земјата!

3. Најголемото дрво во светот

Гледано од страна на волумен, џиновската секвоја (Sequoiadendron giganteum) позната како Генерал Шерман, е право чудовиште – во волумен е голема околу 1487 кубни метри. Се наоѓа во Националниот парк на Секвоите во Калифорнија и е една од главните атракции таму. Таа е исто така и доста висока (83 m) но не го носи статусот на највисоко дрво во светот.

4. Највисоко дрво во светот

Највисокото дрво во светот е наречено Хиферион, е исто така секвоја, но од друг вид  (Sequoia sempervirens) и е високо 115.7 метри. Лоцирано е некаде во Redwood Националниот Парк, исто во Калифорнија, но точната локација е тајна за јавноста.

5. Најширокото дрво во светот

Најширокото дрво во светот е наречено Арбол дел Туле, е мексиканскиот таксодиум  (Taxodium mucronatum) лоциран во Оаксака, Мексико. Крошната му е широка цели 11.58 метри!