Цимет ролните се неизоставен зимски десерт кој отсега може да го направите за само 15 минути. Имено, тајната е во тоа што тестото се прави од само две состојки – брашно и грчки јогурт, без квасец и јајца.
Состојки за тесто:
- 180 гр грчки јогурт
- 150 гр „self rising“ брашно (може да го направите сами, само помешајте: 150 гр брашно, 1,5 лажица прашок за пециво и четвртина лажица сол)
Состојки за глазура и фил
- 30 гр несолен путер (стопен)
- 3 лажици кафеав шеќер
- 1 лажичка цимет
- 6 лажици шеќер во прав
- 4 лажички млеко
Подготовка:
За да го обликувате тестото, помешајте го грчкиот јогурт и мешавината од брашно. Тестото ставете го на побрашнета подлога и растегнете го во правоаголник со дебелина околу половина центиметар.
Стопениот путер помешајте го со шеќер и цимет. Смесата распределете ја по целото тесто, па оставете простор на врвот.
Тестото цврсто извртете го, но бидете нежни да не се скине, а потоа згмечете го и отсечете го краевите. Исечете го тестото со нож на пет еднакви делови.
Ставете ги ролните со цимет во сад за печење и печете ги на 160 степени Целзиусови 15 минути, додека врвовите не добијат златно кафеава боја. За прелив помешајте шеќер во прав и млеко додека не добиете убава смеса. Прелијте ја глазурата преку топлите ролни и послужете.
