Палачинките се десерт кој го обожаваат сите. Омилен им е на децата, но и на повозрасните. Тие топејќи се во устата совршено ја задоволуваат потребата за нешто благо и вкусно.
Познатиот француски слаткар Pierre Herme во чии палачинки уживаат многу луѓе, го открива својот рецепт.
Потребни состојки за 35 палачинки:
- 200 гр. брашно
- 50 гр. шеќер
- 500 мл. млеко
- 1 ванила
- 5 јајца
- кора од 1/4 лимон
- кора од еден портокал
- 10 мл. темен рум
- 100 гр. путер
Начин на подготовка:
Загрејте го млекото и додадете ванила. Промешајте убаво и тргнете го садот на страна околу 30 минути за млекото да добие арома. Кога ќе се олади процедете го. Во меѓувреме растопете го путерот, а потоа оставете го и него да се олади. Изрендајте ја ситно кората од лимон и портокал и додадете шеќер. Просејте го брашното во сад, додадете шеќер и направете дупка во средината во која ќе ги додадете јајцата кои претходно ќе ги изматите со млекото. Измешајте. Кога ќе добиете мазна смеса додадете го оладениот путер и рум и оставете ја смесата да мирува најмалку 4 часа.
Палачинките можете да ги послужите со домашен џем, топено чоколадо, сезонско овошје или јаткасти плодови.
Пријатен апетит !
