Сакате вашиот дрвен под да биде сјаен?
Тогаш за тоа искористете кесичка црн чај. Црниот чај успешно ги чисти подовите и ги прави блескави. Освен тоа нема да вдишувате хемикалии од средствата за чистење и полирање.
Загрејте тенџере со вода и во врелата вода ставете две кесички црн чај. Оставете го да отстои неколку минути. Крпата за бришење натопете ја во водата и добро исцедете ја.
Потоа пребришете ги подовите и уживајте во ефектот.
Она што е важно е да ги чистите подовите исклучиво само со црн чај, а не црн чај во комбинација со нешто друго.
Ако подот ви е валкан и долго не сте го бришеле, прво исчистете го на стандардниот начин на кој го правите тоа, а потоа уште еднаш пребришете го со вода па дури потоа со црниот чај.
Исто така дрвените подови пребришете ги со добро исцедена крпа за вишокот на вода да не влегува во пукнатините меѓу даските.
