Селфито веќе стана досадно, но што да се прави кога се наоѓате на кул локација сами, а тој момент мора да го документирате? Esha Biswas, од Мичиген, нашла необичен начин како да направи селфи фотографии.
Нејзино огледало е чајник, а веќе четири години таа има направено преку 30 селфи фотографии, на обични и на не така обични локации.
„Фасцинирана бев од одразот на околината кој се гледа во чајникот, како да содржи еден цел мал свет во него, а мојата фигура секогаш беше во центарот на светот. Дури и познатите места како спалната, дворовите имаат чудни рефлекции.“ – раскажува Biswas.
Чајникот патувал секаде со неа, првата фотографија со него ја направила кога завршувала средно школо, а сега е со неа и на факултет, со неа бил и два месеци во Париз каде ја фотографирала француската култура и живот.
„Авантурите на чајникот“ е тековен проект кој расте и живее со неа секојдневно. Ги документира важните настани во својот живот, ги документира сезоните кои се менуваат, патувањата и моменти кои не сака да ги заборави. Повеќе за нејзиниот проект може да видите на нејзиниот вебсајт.
