Веста за новата протеинска вакцина на француската компанија „Санофи“, која наскоро треба да пристигне во Хрватска, предизвика голем интерес кај луѓето поради својата делотворност и разликите со досегашните достапни вакцини.
„Нема никаков генетски материјал, не е т.н вакциина РНК или ДНК, туку чист протеин кој влегува во нашето тело и веднаш делува на имунолошкиот систем. Она што е исто така важно е дека овие вакцини се релативно слични на традиционалните вакцини на кои сме навикнати, на пример како тетанус и слично“, изјавил познатиот имунолог Златко Тробоњача за хрватските медиуми.
„Ако компанијата „Санофи“ предвидува можност да се произведат антитела кои нема да го покриваат само изворниот облик на вирусот, туку и останатите соеви, тогаш може да има големо значење во сузбивање на постоечките соеви“, додал тој.
Меѓутоа, оваа можност треба сѐ уште да се проучува.
Вирусот постојано мутира, па прашање е колку им се исплати на компаниите да произведуваат и пласираат вакцини против секој сој кој ќе се појави.
