Доколку планирате конференција од големи размери, настан, или, пак само мал состанок, потребно е место кое ќе ги исполнува потребните услови за одржување. Изборот на совршено место за вашиот настан може да биде навистина голема задача.
Кога станува збор за корпоративните настани и состаноци, за да вродат со успех овие настани кои се добра шанса да се зголеми врската меѓу вработениот и компанијата, да се зајакне неговото чувство на припадност, гордоста да се биде дел од тимот и неговата идентификација со корпоративните вредности, просторот и организацијата се од големо значење.
Организацијата на настан е една комплексна задача, која бара голема посветеност и искуство. За среќа, кај нас постои место кое е создадено да ги задоволи сите стандардите кога станува збор за организација на секаков вид на настани.
На пет километри од центарот на градот, во пријатна и тивка околина се наоѓа центарот за свадби и настани Аликас. Поради својот уникатен изглед и мултифункционалност, овој објект за кратко време прерасна во најбараната локација за свадби, настани и други свечености. Простран, со уникатен ентериер, разновидно мени прилагодено според потребите на организираниот настан, во Аликас ќе ве пречека прекрасна атмосфера погодна за конференции, родендени, модни ревии, како и корпоративни прослави, состаноци, хуманитарни настани.
Доказ за успешната организација од страна на професионалниот тим во Аликас се веќе одржаните настани меѓу кои и големиот мотивационен настан „100 жени претприемачки“. На оваа конференција присуствуваа жени кои имаат сопствен бизнис, кои се менаџерки на водечки позиции, но и жени кои имаат неограничени претприемачки идеи, хуманитарните настани поддржани од пријатели како што е случајот со веќе одржаната предновогодишната забава за децата од СОС детското село, модни ревии, танцови групи и уште многу други настани на големи и докажани компании од различни сфери.
Среќата и успехот заслужуваат да бидат прославени на соодветен начин, во друштво на оние кои придонеле да дојде до тоа. Затоа, не губете време и закажете го својот настан во центарот за свадби и настани Аликас, создавајќи спомени кои траат засекогаш.
