Вкусни палачинки со банана, киви и крем сирење – одличен домашен десерт кој ќе го воодушеви вашето семејство.
Состојки:
- 6 чоколадни палачинки
- 2-3 банани
- 3 киви
- 300 гр. крем сирење
- ванилин шеќер
За подготовка на овој десерт се препорачуваат палачинки од чоколадо, но и може и вообичаените тенки палачинки кои се подготвуваат со млеко. Доколку сакате да направите палачинки од чоколадо додадете неколку лажици какао во смесата.
Како да направите палачинки со банана и киви?
Во сад истурете го крем сирењето и измешајте го со ванилиниот шеќер. Убаво соединете ја смесата. Излупете ги и исецкајте ги кивите и бананите на мали парчиња. Ставете ги палачинките и рамномерно распоредете ја смесата со сирењето, а потоа наредете ги парчињата киви и банана и завиткајте ги.
Готовите палачинки ставете ги на чинија и оставете ги во ладилник 30 минути, а потоа исечете ги на мали парчиња и послужете.
