Денеска во Зоолошка градина Скопје беа поставени нови тоалети на две локации. Покрај стандардните тоалети, има и тоалет за хендикепирани лица, како и просторија за пресоблекување на бебиња.
Покрај тоалетите, започна и поставувањето на новите едукативни табли пред секое живеалиште, на кои посетителите ќе можат да ги прочитаат најинтересните информации за секое животно.
Во Зоолошка градина Скопје се вршат и последните подготовки за отворање на живеалиштето за двете слоници Дуња и Даела кое ќе се случи оваа сабота (29.09) со почеток од 11:30. На настанот „За европска Зоолошка“ ќе настапат скопската гордост Златно Славејче и детската атракција Пет+ бенд.
Апелираме до сите посетители да не ги вознемируваат и хранат животните, туку кон нив да се однесуваат со љубов.
