Саудиската принцеза Алјухани Абдулазиз од есен оваа година ќе биде на чело на креативниот тим на арапскиот Vogue. Таа е дама со истенчен моден вкус и сопственичка на две концепт продавници D’NA во Доха и Ријад. Редовен гостин е на модните недели кои се одржуваат во светските метрополи каде бира модели кои потоа ги ангажира за својот бутик.
Модните стручни лица веќе со години го фалат нејзиниот стил, а исто така е прогласена за една од најдобро облечените жени. Со оглед на тоа дека таа е во постојан контакт со високата мода поради работата, ваквата одлука на главните луѓе од Vogue воопшто не е неочекувана.
Веруваме дека принцезата одлично ќе се снајде во новата позиција и останува да го почекаме првото издание на арапскиот Vogue кога ќе ја видиме и нејзината работа.
