Среќата и успехот не се дефинирани со она што другите го сметаат за добро туку е она што не исполнува и ни дава смисла во нашиот живот.
За да се чувствуваме добро и успешно потребно е да го искористиме личниот потенцијал и нашите можности колку што можеме подобро.
Најдобар начин тоа да го постигнеме е да воведеме секојдневни ритуали кои ќе не однесат во саканата насока.
1. Имајте визија
Што е тоа што го сакате? Замислете ги и секојдневно визуализирајте ги вашите лични желби.
2. Сакајте се себе си
Љубовта спрема сама себе и прифаќањето на тоа каква сте се клучни елементи за постигнување на задоволство. Немојте да бидете премногу критична кон себе, напротив бидете горда на тоа која сте и што правите.
3. Внимавајте што внесувате во телото
Здравата и урамнотежена исхрана е добра за телото, кожата и за сите органи. Редовната и здрава исхрана ќе направи да се чувствувате здраво и среќно.
4. Мислете на своето тело
Едноставните вежби како пешачење и истегнување нека бидат секојдневен ритуал.
5. Спијте доволно и добро
Сонот го освежува нашето тело и обезбедува одмор на нашиот ум.
Но важен е и квалитетот на сонот. Спијте редовно и пронајдете начин со кој лесно ќе заспивате како ароматерапија, билен чај, туширање и слично.
6. Контролирајте го стресот
Кога сте под стрес обидете се да останете смирена и не го губете во целост доброто расположение бидејќи се што е лошо ќе помине…
7. Сакајте го тоа што го работите
Кога ќе се сконцентрирате на секоја задача посебно вашиот ден ќе биде подобар и поуспешен.
8. Живејте во сегашноста
Дали постојано се грижите за тоа што ќе се случи во иднина?
Ако тоа го правите често, вратете се во реалноста и сконцентрирајте се на тоа што во моментот го правите. Уживајте во секој момент од животот.
9. Пронајдете ја својата мантра
Дури и најобичните задачи како готвење и чистење можете да ги претворите во моменти за медитација. Обидете се и ќе видите како една едноставна промена може да ви го разубави денот.
10. Бидете доживотен ученик
Животот ни нуди многу, затоа отворете го умот и сочувајте ја желбата за знаење и откривање на нови нешта.
11. Спротивставете им се на своите слабости
Соочете се со слабостите. Почнете така што ќе ги истакнете своите силни страни и зголемете ја самодовербата.
12. Бидете благодарна
Благодарноста нека стане ваш животен стил. Благодарноста шири насмевки и чувство на исполнетост.
