XXL беше македонска женска поп група од Скопје која со својата дебитантска песна „100% те љубам“ победи на Скопскиот фестивал и ја претставуваше Македонија на Евросонг 2000 во Стокхолм, Шведска. За песната беше снимена и англиска верзија на песната, со наслов “I love you 100%”.
Членуваа четири девојки, тогаш тинејџерки – Марија Николова, Ивона Џамтовска, Росица Николовска и Верица Каранфиловска (ќерка на познатиот македонски композитор и изведувач Драган Каранфиловски – Бојс), која набрзо по настапот на Евросонг 2000 ја напушти групата и накусо се обиде да направи соло кариера со песните „Заведи ме“ и „Романтична“.
Според последните информации Верица заврши Филолошки факултет во Скопје, сега веќе работи во Катар, Марија е правник во Комерцијална Банка, Ивона е мажена неколку години и има син, како и Росица. Сигурно се сеќавате на тогаш слатки девојчиња. Денес, 17 години подоцна Росица изгледа вака, мажена е и има син!
Фотографии со нејзиното семејство
Извор : story.mk
