По часови поминати во породилната сала, жената станува мајка во моментот кога го раѓа своето дете. Тогаш за прв пат таа има можност да го држи своето новороденче во прегратката. На овој начин бебето се смирува и иницира доење.
Доењето е природен процес при кој се храни бебето. Бебето треба да се дои во првиот час по раѓањето познат и како „златен час“. Колострумот или првото млеко на мајката е оптималната хранлива материја и првата вакцина на бебето. Тоа помага во растот и развојот на бебето. Другите придобивки од доењето вклучуваат овозможување сензорен и когнитивен развој, заштита на новороденчето од болести и намалување на смртноста кај новороденчињата со овозможување побрзо закрепнување од болести како дијареја и пневмонија.
Друг аспект во доењето се многубројните митови поврзани со чинот на хранење на детето. Да провериме некои од нив и да дознаеме дали се вистинити:
- Јадете едноставна храна додека доите – Она што е важно е да јадете правилно додека доите. Исто така, бебињата се адаптираат на исхраната на мајката уште кога се наоѓаат во нејзината утроба.
- Вежбањето влијае на вкусот на млекото – Нема докази за ова, всушност, вежбањето е здраво за мајките кои дојат исто како и за сите други.
- Не доите кога сте болни – во некои случаи, додека мајката прима одредена терапија со лекови, не треба да дои. Но сепак, најпрво треба да се консултирате со доктор во врска со доењето во ваков случај.
Сепак, и покрај тоа што мајчиното млеко е целосна храна за новороденчиња со здрави мајки, ако мајката сама има недостатоци во исхраната, на бебето може да му треба дополнување на неколку важни микронутриенти.
