Сеавус Инкубатор го отвори повикот за пријавување на стартапи, тимови или претприемачи кои работат во областа на информационите технологии за првата пре-акцелераторска програма во Македонија.
Програмата ќе се одвива во текот на осум недели и има за цел да обезбедат вештини и знаење кои ќе им помогнат на стартапите да направат прототип, да лансираат производ на пазарот или да го финансираат својот бизнис. Како ментори се јавуваат менаџери и експерти од Сеавус, но и интернационални експерти и докажани професионалци во својата област.
Пред-акцелераторската програма е целосно ко-финансирана од Сеавус и проектот ИМЕ, имеплементира од Фондација за одржлив економски развој ПРЕДА Плус и токму затоа ќе биде бесплатна за избраните учесници.
Покрај тоа, обезбедено е финансирање на најдобрите идеи, при што стартапите ќе можат добијат средства за дополнителен развој на својот бизнис.
Сите заинтересирани може да аплицираат на веб страната на Сеавус Инкубаторот: http://www.seavusincubator.com/pre-accelerator-program-2016/
Како партнери во програмата се вклучуваат Girls in Tech кои се залагаат за еднаква застапеност на девојки и жени во ИТ, СТАРТАП ЗОНА кои им помагаат на младите во развојот на бизнис, SEEUTechPark, Brainster, АИЕСЕК, Солвео како и многу други организации кои подржуваат развој на претприемниештвото во Македнија.
***
Сеавус Инкубатор е мултифункционален простор кој е посветен на поддршка на претприемачи и стартапи кои работат во областа на информационите технологии. Во Инкубаторот се менторираат идеи, се обезбедува инфраструктура и ресурси за успешен раст и развој на компаниите.
Сеавус Инкубатор е најголемиот општествено одговорен проект на Сеавус, интернационална компанија за развој на софтвер и консалтинг услуги со докажано искуство во успешни бизнис софтверски решенија. Сеавус брои преку 650+ ИТ специјалисти ширум светот и нуди широк спектар на софтверски производи, решенија и услуги, успешно покривајќи го европскиот и американскиот пазар преку неколку канцеларии и претставништва во светот.
