Некои денови се полни со инспирација и желба да направите нешто повеќе. И додека сѐ оди како што треба, наеднаш доаѓа ден кога само велите: „Се откажувам, толку беше“.
Без разлика дали тоа е вашето ново хоби или нешто сосема друго, Вие веќе немате желба да допринесете. За да не дозволите таквиот ден да Ве убие и да Ви влијае на Вашата иднина, направете ги овие работи:
- Кога едноставно работите не одат како што треба, запомнете дека пред зората е најтемно. Оваа мисла ќе Ви помогне да поминете низ најтешкото и да воочите дека работите всушност и не се толку лоши како што изгледаат.
- Друг начин за да ја обновите мотивацијата е да зборувате со најблиските, искажете го она што Ве мачи, а нивните совети ќе бидат клучни за Вашето понатамошно искуство.
- Погледнете во минатото и воочете ги работите што сте ги постигнале. Размислете за она што сте го научиле и ценете ги сите убави работи коишто ќе Ве потсетат дека Вие навистина можете повеќе.
- Одморете се. Моментот кога сакате да се откажете всушност Ви посочува дека е време за малку одмор, но не и за откажување.
