Не се само остатоците од храна кои создаваат совршена средина за размножување на бактериите. За жал, тие се собрани и на други места во вашата кујна.
Во најновата студија од 2022 година, научниците истражуваа како различните видови на микроорганизми влијаат на меѓусебната динамика на растот, врз основа на фактори како што се нивната сложеност и големина. Она што го забележале е дека некои бактерии се размножуваат побрзо во околината со други видови бактерии, додека други полесно се размножуваат во изолирани средини.
Сепак, постојат средини кои обезбедуваат одлични услови за ширење на двата вида микроорганизми. Тоа е, на пример, земја, но и капки вода на лисјата на растенијата. За жал, оваа група вклучува и сунѓери, оние што сите ги користиме секој ден во нашата кујна за миење садови и бришење други површини.
Овој многу корисен предмет, поради различната текстура на неговите површини, но и влажноста, го поттикнува растот на разни бактерии, меѓу кои и ешерихија коли, која може да предизвика инфекции на гастроинтестиналниот и урогениталниот тракт, сепса, менингитис, пневмонија и многу други болести.
