Човечкиот мозок е интригантен орган којшто воедно е и најмистериозен.
Еве неколку факти за овој фасцинантен дел којшто има неверојатни функции и способности:
- Мозокот ги обработува информациите со неверојатно голема брзина. Невроните можат да пренесуваат сигнали со брзина од 120 метри во секунда.
- Иако мозокот сочинува само 2% од тежината на телото, истиот троши околу 20% од енергијата на телото.
- Мозокот се одликува со невропластичност, способност којашто му овозможува да се реорганизира и прилагоди во текот нa животот. Со тоа се формираат нови нервни врски како одговор на учење, искуство и повреда.
- За време на еден типичен животен век, едно лице ќе помине околу 6 години сонувајќи. Сепак, сонувањето сѐ уште не е целосно разбрано.
- Капацитетот за складирање на мозокот се смета за практично неограничен. Се проценува дека човечкиот мозок може да складира еквивалент од 2,5 петабајти информации, приближно еднакво на три милиони часа ТВ-емисии.
- На човечкиот мозок му требаат речиси 30 години за целосно да се развие.
