Понекогаш без разлика колку и да вложуваме во одредена работа,постојано се соочуваме со препреки и полека ја губиме надежта дека ќе успееме. Тоа е нормална појава,но во тие моменти треба да размислиме зошто да не се откажеме.
1. Никој не е совршен
Сите ние сме само луѓе. Луѓе кои грешат,но и учат од своите грешки. Доколку се откажеме при првиот проблем нема да успееме. Тоа е исто како кога учевме да возиме велосипед без помошни тркала. На почетокот ни беше многу тешко, постојано паѓавме, но и станувавме и продолжувавме да учиме. Кога го фативме ритамот и го научивме балансот тоа стана вештина која никогаш не се заборава.
2. Некој се вложува повеќе од нас
Дури и кога мислиме дека сме ги исцрпеле сите опции, постои уште некоја на која не сме се сетиле. Сите луѓе имаат своја цел, сон, мотивација кон која неуморно се стремат.
3. Другите не се во право
Кога некој ќе ни каже дека не можеме да успееме, треба да докажеме дека греши. Можеме, тој не е во право. Не треба да не фрустрираат таквите коментари. Баш напротив, треба да ни бидат мотивација за да вложиме повеќе и да успееме.
4. Успехот не е успех ако е добиен лесно
Остварувањето на долгогодишниот сон е посебен момент кој треба да ни претставува задоволство и да ни биде мотивација за понатамошни успеси.
5. Рим не е основан за еден ден
Ова е најважниот совет. Ништо не е создадено за еден ден. Царството не може да се создаде преку ноќ. Успешните компании не започнале како успешни, туку како почетници.
