За здрав и правилен развој на бебето во стомакот потребно е да се внесуваат правилните хранливи материи. Ова е листата на хранливи материи кои се најзначајни за развојот на бебето, како и препорачаната дневна доза за нив.
Протеини (71 гр)
Аминокиселините, соединенија од кои се изградени протеините, одговорни се за раст на ткивото на бебето, но и ткивото на мајката. Намирници богати со протеини се немасното месо, рибата, млечните производи, јајцата, мешунките и јаткастите плодови.
Калциум (1000 мг)
Калциумот е минерална материја особено важна за растот на коските на бебето. Освен тоа, со адекватното внесување на оваа хранлива состојка се намалува ризикот од губење на коскената маса кај идните мајки. Добри извори на калциум претставуваат млекото и млечните производи, темнозелениот зеленчук, лососот, риба со коски како што е скушата, мешунките и субите сливи.
Фолна киселина (600 µg)
Овој витамин кој се сврстува во Б витамините, има заштитна улога во развојот на ‘рбетот и ‘рбетниот мозок и спречува дефекти како што е спина бифида. Бидејќи споменатиот дефект настанува во првите 28 денови по зачнувањето, пред жената воопшто да биде свесна дека е бремена, се препорачува сите жени кои се во репродуктивен период од животот во својата исхрана вклучуваат намирници богати со фолна киселина и да земаат додатоци во прехраната со фолна киселина доколку планираат бременост. Некои од намирниците богати со фолна киселина се: спанаќ, мешунки, брокула, пивски квасец, портокал, лосос, млеко.
Витамин Ц (85 мг)
Истражувањата покажаа дека витаминот Ц може да го намали ризикот од предвремено породување. Научниците исто така сметаат дека оваа хранлива материја има незаменлива улога во правилната синтеза на колагенот. Како добри извори на витамин Ц се вбројуваат цитронот, пиперките, јагодите, доматите, зелката, компирот, брокулата.
Железо (27 мг)
Железото има важна улога како за мајката така и за нејзиното неродено бебе – помага во пренесувањето на кислород преку крвта до клетките, како и одржувањето на функцијата на мускулите и органите. Добри извори на железо се црвеното месо, школките, пилешкото, житариците и зеленчукот.
Омега – 3 масни киселини
Иако не постои препорака за дневна доза на внесување омега – 3 во текот на бременоста, познато е како овие киселини имаат важна улога во овој период од животот – важни се за развојот на мозокот на бебето, очите и нервниот систем. Најдобри извори на омега – 3 масните киселини се масната риба, лененото семе, тофу, оревите и масло од канола.
