Омлет со тиквици и спанаќ кој се пече во рерна е одлична идеја за вкусен оброк.
Состојки:
- 4 јајца
- 200 мл млеко
- 1 тиквица
- 6-8 стебленца спанаќ
- 1 чешне лук
- сол и бибер по вкус
- масло
Подготовка:
Може да ја прилагодите количината на спанаќ и лук за омлетот по ваш вкус, а може и да ги замените тиквиците со модар патлиџан доколку повеќе ви се допаѓа тој вкус.
Вклучете ја рерната на 200 степени. Темелно изматете ги јајцата со млеко, додадете сол и бибер. Тиквиците исечкајте ги на тенки кругови и полека пржете ги на маслото, а потоа додадете го сечканиот лук и листовите од спанаќ. Преку тиквиците, лукот и спанаќот прелијте ја мешавината од јајца и печете во рерна 20-25 минути.
