Оваа торта се прави многу брзо и лесно. Навистина, ќе ви требаат само петнаесет минути за да ја направите, затоа што не се пече, а вкусот е навистина фантастичен. Пријатно!
Состојки:
- 400 мл млеко
- 150 грама путер
- 3 лажици шеќер
- 200 грама чоколадо
- 4 лажици џем од кајсија
- 300 грама јафа бисквити
- 600 грама било каков сув бисквит на парче
Подготовка:
Измешајте го млекото и шеќерот, па потоа додадете го чоколадото искршено на парчиња и путерот. Ставете ги на оган полека да се растопат, а потоа тргнете од оган и оставете да се излади.
Додека чекате смесата на шпоретот да се растопи, искршете го сувиот бисквит и јафа бисквитот на поситни парчиња. Во еден поголем сад ставете ги двата вида бисквити, па додадете го џемот од кајсии и сето тоа прелијте го со изладената маса од чоколада. Убаво промешајте за да се изедначи смесата.
Истурете ја во калап и убаво израмнете. Ставете ја да се излади во фрижидер некое време па потоа декорирајте ја тортата по желба.
