На светот навистина му требаат повеќе топли луѓе како Пунам Сапра и нејзиниот син Пранав. Особено во 2020.
Заедно, ова дуо од Индија го водат Инстаграм профилот ‘Mother With Sign’ (мајка со знак). Тие ставаат слики каде што Пунам држи знаци со убави мајчини совети за добар, здрав и среќен живот.
Ја започнале страницата пред 8 месеци и од тогаш имаат 108 илјади следбеници. Нивната содржина е универзална, бидејќи светот е полн со мајки кои даваат убави совети и со луѓе на кои им се потребни овие совети.
-Мојот син Пранав ја доби идеата и рече дека би било забавно. Тој рече дека сечии родители даваат совети, но децата не слушаат и дури подоцна во животот сфаќаат дека требало да слишаат. Јас бев скептична на почеток, но потоа се согласив. Првите неколку објави беа споделувани на големо. Сите се поврзуваат и се согласуваат со овие пораки – вика Пунам. Таа исто така додава дека нивната страница нема некоја особена цел, освен тоа да насмее што е можно повеќе луѓе.
-Веројатно луѓето го сакаат она што доаѓа директно од срцето. Мојот син и јас се обидуваме да ја чуваме содржината едноставна и лесна, бидејќи 2020 е тешка за сите. Сакам младите да го видат светот низ перспективата на возрасните, и обратно.“
Ова се дел од нивните пораки:
Во едноставни црти – сите живи суштества заслужуваат еднаква почит.
Во ред е ако не можеш да го зготвиш правилно првиот пат. Во ред е ако не можеш да го зготвиш правилно и вториот пат. Само гледај третиот пат да готвиш само за себеси!
Нормализирајте некогаш родителите да се однесуваат како деца. Нормализирајте девојки кои не знаат да готват. Нормализирајте отворен разговор со родителите. Нормализирајте моменти на слабост.
Постојат 2 вида на луѓе. Првите – ќе бидете многу среќни кога ќе ги сретнете. Вторите – ќе бидете среќни кога ќе заминат. Одлучете кои сакате да бидете.
Ѕвони ѝ на мајка ти.
Во ред е ако родителите не ги разбираат смартфоните. Имало време во кое што ти не си знаел како да одиш и тие ти помогнале.
Никому не давај му го далечинскиот управувач за твоите емоции.
Уникатни сте. Не заборавајте го тоа додека се обидувате да се вклопите.
ИСПРАВИ СЕ. Заради тоа имаш болки во грбот.
Сликај си ја храната, но сети се да ги измиеш рацете пред да јадеш.
