Многу е важно што внесувате во себе кога температурата во раните зори е над 30.
Ако и вие деновиве го изгубивте апетитот и слабо спиете, ова е нормална појава за време на многу жешки летни денови. Покрај вообичаените мерки за заштита од високи температури, потребно е да се преземат уште некои мерки, односно да се прилагоди диетата кон временските услови.
Нутриционистот Кери Торенс даде неколку важни совети за „БиБиСи добра храна“.
Водата е алфа и омега
За време на еден типичен ден, губиме помеѓу два и два и пол литри течност со потење, дишење, мокрење и дефекација. Ова значи дека треба да пиете шест до осум чаши вода или други течности (млеко, пијалоци без шеќер, чај и кафе) во текот на денот, вклучително и овошни сокови и смути, но нивниот внес треба да биде ограничен на 150 ml на ден поради природниот шеќер што го содржат. Нашите специфични потреби варираат во зависност од возраста, тежината, полот и количината на физичка активност, како и факторите како што се температурата и влажноста, вели Торенс. Кога е жешко, се потиме повеќе, што значи дека треба почесто да ги надополнуваме течностите.
Што треба да јадете
Храната сочинува 20 до 30 проценти од внесот на течности, а има и храна што содржи повеќе вода од другите, посочува Кери. Ако сакаме да го зголемиме внесот на вода, можеме да разгледаме јагоди, краставици, целер, зелена салата, лубеница и тиквички. Внесувањето супи и чорби помага и во хидрирање на организмот.
Која храна не треба да ја јадете
Се верува дека за време на топлината, не треба да јадете храна што е потешко да се вари, како што се оние богати со протеини, шеќер и растителни влакна. Не се препорачува ниту зачинета храна.
Може ли храната да нè разлади
Сладоледот може да изгледа како логичен избор кога сакате да се разладите, но тој всушност може да направи повеќе штета отколку корист. Студената храна и пијалоци ќе ве разладат, но на краток рок. Консумирањето храна ја зголемува температурата затоа што дигестивниот процес создава топлина. Брзото ладење стимулирано од ладна храна и пијалоци значи дека вашето тело се компензира преку зголемување на основната температура. Со други зборови, на крајот, можеби сте потопла отколку пред да јадете сладолед, објасни нутриционистот.
Топлите пијалоци можеби не звучат привлечно, но тие всушност можат да помогнат во регулирање на телесната температура.
