Британската поп пејачка Адел позираше за ноемвриското издание на „Вог“ и проговори за мајчинството, разводот, новиот албум и зошто е токму овој албум посебен.
Годината кога се развела, Адел ја нарекува „година на анксиозноста“, а за разводот вели дека поминал „лесно колку што може еден развод да помине“. Напоменала дека го напуштила сега веќе поранешниот сопруг Сајмон Конецки и доколку не го направела тоа “ќе била несреќна ако не се ставела себеси на прво место“. Исто така го спомнала и односот со својот син: Еден ден, кога имаше само шест години ми рече во лице: „Ме гледаш ли?, јас му одговорив „да“. А тој ми рече дека тој не може да ме види мене. Тогаш ми се распадна целиот живот. Знаеше дека не сум таму покрај него, психички“.
View this post on Instagram
Оттогаш решила со него да почне да дели сѐ и ја напишала песната за нејзиниот син. Истакнала дека новиот албум се разликува од другите: „Сфатив дека проблемот сум јас и работам на тоа да се вратам. Знам што сакам. И навистина знам што не сакам“, рекла Адел.
View this post on Instagram
Интервјуто го надополнуваат и прекрасни фотографии создадени од Аластер Маклелан. На нив, дивата изгледа беспрекорно, а особено е интересна насловната фотографија на која Адел позира во раскошна зелена тоалета.
