Недостаток на дигиталните фотографии е во тоа што при нивната изработката ги нема традиционалните „магии“, како што се чекањето да бидат готови и нивното чување во фото албуми.
Затоа, компанијата „Prynt“ од Сан Франциско реши да го промени тоа, па креираа уред кој може да се закачи на вашиот паметен телефон АјФон или Самсунг Галакси и ќе направи вистински полароид фотографии.
– Денес луѓето прават илјадници фотографии со телефони, но ги гледаат само понекогаш. Поради таа причина, одлучивме да направиме нешто со што ќе овозможи своите фотографии да ги поделите со членовите на семејството и пријателите, вели креаторот на овој уред Клемент Перо.
Уредот со 50 ленти, т.е. 50 фотографии чини 25 американски долари.
