И на фискална се краде: Како да препознаете дали сметката е лажна

Не е спорно дека искусен келнер може да запомни што сте нарачале и врз основа на тоа да го каже износот, но е должен да издаде фискална сметка.

Во кафулињата и рестораните често добивате нешто што личи на фискална, но не е. Тоа е само нарачката, која е забележана некаде и на газдата му служи за своја евиденција на прометот.

Купувачите често не ги земаат сметките, но затоа угостителите и продавачите го прават тоа. Откако ќе ја оставите сметката, угостителот може да ја употреби повторно, зашто голема е веројатноста и некој по вас да нарача нес-кафе и кока-кола, на пример. Сметката на прв поглед е исправна, па ако не го проверите датумот и времето, нема да ја забележите малверзацијата.

Затоа е важно да ја земете фискалната сметка. На тој начин продавачот и угостителот ќе мора да го платат ДДВ, исто како што вие сте го платиле пресмтаниот ДДВ на сметката.