По дипломирањето на Државниот конзерваторум во Анкара, бас-баритонот Суат Арикан континуирано го развива својот стил и репертоар кој опфаќа улоги од оперски дела од 17. век до современа музика.
На сцената ги реализира улогите на Ферандо во „Трубадур“, Банко во „Магбет“, Јаго во „Отело“, Дон Базилио во „Севилскито берберин“, Дон Кихот во истоименото оперско дело и др. Добитник e на повеќе награди и признанија, а во 2006 година е одликуван како „витез на уметноста“ од италијанскиот претседател за неговите придонеси во оперската уметност. Од 2003 година работи како уметнички директор на Државната опера и балет во Истанбул. Освен што настапува активно како солист на оперската сцена, Арикан работи и како професор по пеење на неколку универзитети во Турција.
Сопранот Шебнем Аридаг Кишлали е родена во Истанбул, а својата музичка едукација ја започнала во 1992 година на Универзитетот „Ататурк“. Дипломира со највисоки оценки на отсекот по пијано, а во 1997 година почнува да изучува и соло-пеење и дипломира на Државниот универзитет во Истанбул. Во 2006, добила стипендија од Италијанскиот културен центар и посетувала семинари во Сиена, каде што е наградена со почесна диплома, а во истовреме е поканета да посетува специјално училиште и во Софија, каде што партиципира во програмата на Рајна Кабаиванска на Новиот Бугарски универзитет. Зад себе има бројни улоги во опери како „Фалстаф“, „Боеми“, „Аријадна од Наксос“…
Пијанистот Џан Окан е роден во Истанбул (1986) каде што и започнал да изучува пијано. Негова втора пасија е оркестарското диригирање и зад себе има неколку врвни настапи како диригент со Филхармонискиот оркестар и со Операта во Истанбул. Често посетува мајсторски курсеви кај врвни пијанисти како Дмитри Алексеев, Емануел Акс, Клаудиус Тански… Магистрирал и како пијанист, но и како диригент на Кралскиот колеџ за музика во Стокхолм. Активен е и на двете полиња, настапувајќи ширум Турција, како и надвор од земјата.
10.02.2020
ВОКАЛЕН ДУЕТ
Камерна сала на Филхармонија – 20ч.
Концерт на:
Суат Арикан – бас-баритон (Турција)
Шебнем Аридаг Кишлали – сопран (Турција)
Џан Окан – пијано (Турција)
Програма:
Ј. С. Бах: Добро темпериран клавир, Книга 1, Прелудиум и фуга бр. 1 – Џан Окан
Г. Ф. Хендл: „Ombra mai fu“ – арија од операта „Ксерксес“ – Суат Арикан
Г. Ф. Хендл: „ Piangero la sorte mia“ –арија од операта „Јулие Цезар“ – Шебнем Агридаг Кишлали
Ж. Масне: „Елегија“ – Суат Арикан
Ж. П. Мартини: „ Plaisir d’amor“ -Шебнем АгридагКишлали
П. И. Чајковски: „Приспивна песна“ – Суат Арикан
С. Рахмањинов/Чајковски: – „Приспивна песна“ – Џан Окан
И. Баран: „Köroğlu Yiğitlemesi“ – Суат Арикан
Ј. Тура: „Sevmek Nedir?“ – Шебнем АгридагКишлали
Џ. Росини: „La Calunnia“ – арија од операта „Севилскиот берберин“ – Суат Арикан
Џ. Пучини: „Vissi d’arte“ – арија од операта „Тоска“ – Шебнем АгридагКишлали
Џ. Верди: „Il lacerato spirito“ – арија од операта „Симон Боканегра“ – Суат Арикан
В. А. Моцарт: „Porgi amor“ – арија од операта „Свадбата на Фигаро“ – Шебнем АгридагКишлали
В. А. Моцарт: „Deh, vieni alla finestra“ – арија од операта „Дон Џовани“ – Суат Арикан
В. А. Моцарт: „La ci darem la mano“ – арија од операта „Дон Џовани“ – Суат Арикан и Шебнем Агридаг
