Академијата IThink при Сеавус Едукативниот Центар, веќе втора година по ред ги запознава децата со вистински дизајн на веб-страници и процедури за креирање и одржување. Целта е да се визуелизираат, графички да се креираат елементите на страницата и да се продолжи со процесот сѐ додека страната не се создаде.
Оваа недела со децата од напредната група на IThink се одржа час во чест на светската недела на програмирање и тие беа дел од глобалниот настан Hour of Code .
Овој глобален настан е организиран од страна на непрофитната огранизација code.org. Ова глобално движење го следат преку 180 земји и само во 2018 се регистрирани преку 200.00 настани од различни училишта во светот, вклучувајќи ја и нашата академија за деца – IThink Academy.
На овој настан, децата програмираа видео игри и потоа нивните игри можеа да ги играат децата од целиот свет.
