Школата за дизајн „Скала“ на 13 октомври ќе ја одржи најголемата студентска изложба „Глас на новата сцена“, под слоганот: „Сцената е твоја – дизајнирај ја! “
Изложбата ќе се одржи во просториите на „Јавна Соба“ со почеток од 20:00 часот, а во рамките на истата, ќе бидат прикажани делата на студентите од академиите за графички дизајн, моден дизајн, ентериер и продукт-дизајн, визуелни уметности (мултимедија) и UX/UI + дизајн.
Посетителите ќе имаат можност да погледнат над 500 дела на повеќе од 70 студенти од генерацијата 2022/2023 и тоа: фотографии, илустрации, филмови, графички дизајн-решенија, дизајн на мебел, проекти за ентериерно уредување, модни креации и модни илустрации, како и работни процеси, технички цртежи, скици и сл.
Шеста година по ред прославуваме заедно со нашите студенти. „Глас на новата сцена“ е изложба посветена на развојот на нашите студенти, претставување на нивните проекти, како и пречек на нивните идни колеги.
Вистинска можност е да се запознаете со менторите и делата на студентите од академиите за дизајн, како и да споделите инспиративни разговори и размисли со тимот на Скала. Поради големиот интерес, уписите за новата академска година се сѐ уште во тек, довербата и резултатите за нашите академии се големи и препознаени, а засега се преостанати мал број на слободни места. Ве очекуваме!“ – ни споделија од Скала.
Изложбата „Глас на новата сцена“ е поддржана од Министерството за култура на Република Северна Македонија
