Поради зголемен стрес може да имаме проблеми со анксиозност, срцебиење, несоница, а сето тоа заедно може да остави големи последици по здравјето. Еве како можете природно да го опуштите нервниот систем и да го намалите стресот.
Иако не можете целосно да го избегнете стресот, некои активности можат да ви помогнат да управувате со него и да го неутрализирате до одреден степен. На прво место се аеробните вежби кои го зголемуваат протокот на крв и кислород во телото, го нормализираат крвниот притисок и отчукувањата на срцето, ја зголемуваат енергијата и го намалуваат заморот. Физичката активност исто така го намалува нивото на хормонот на стрес кортизол, а во исто време го стимулира ослободувањето на ендорфин за да го подигне расположението.
Американскиот колеџ за спортска медицина препорачува 30 минути физичка активност на ден, како што се пешачење, возење велосипед, пливање или играње тенис, за да се подигне пулсот и да се ослободите од вишокот напнатост.
Диши длабоко
Специфични вежби за дишење може да се користат и за смирување на нервниот систем. Иако стресот го стимулира симпатичкиот нервен систем, вежбите за дишење го снабдуваат мозокот со повеќе кислород и го стимулираат парасимпатичкиот систем, што има спротивен ефект, предизвикувајќи релаксација.
Истражувањето за посттрауматско стресно растројство покажа дека вежбите за умот и телото кои вклучуваат длабоко дишење и медитација можат значително да го намалат стресот и анксиозноста. Длабоко, бавно дишење го релаксира нервниот систем и поттикнува чувство на смиреност.
Смирете го умот
Медитацијата го смирува вашиот ум, ги фокусира вашите мисли и ги смирува вашите нерви. Многу секојдневни извори на стрес, како што се сообраќајниот метеж, состаноци, токсични луѓе, се надвор од вашата контрола. Сепак, можете да научите како да се грижите каде одат вашите мисли и енергија. Визуелизацијата, како и изговарањето одредени матрици, може да ви помогне да го расчистите вашиот ум. Истражувањата покажаа дека медитацијата за ублажување на анксиозноста, болката и стресот може да ја промени структурата на мозокот. Јогата и Таи Чи се дел од активностите кои го намалуваат стресот и воведуваат медитација.
Опкружете се со позитивни луѓе
Соодветната социјална поддршка ја подобрува способноста на луѓето подобро да се справат и побрзо да се приспособат на животните пречки и промени. Едно истражување покажа дека луѓето кои се обраќаат кон другите за помош ќе реагираат поздраво на стресот и ќе бидат пооптимисти за иднината. Затоа се препорачува да разговарате со пријателите, членовите на семејството или колегите со кои уживате да го поминувате времето, весели и оптимисти.
