Црвен крст на град Скопје со поддршка на ООЦК Кисела Вода, традиционално, на 26 Јули ќе организира крводарителска акција во знак на сеќавање на катастрофалниот земјотрес во Скопје, но и во знак на покажаната солидарноста и хуманоста на нашите сограѓани. Акцијата е веќе препознатливо обележје во нашиот град, дел од сите културни и општествени случувања кои се организираат во град Скопје на споменатиот датум.
И оваа година, крводарителската акција ќе се одвива на 26.07,четврток во периодот од 09:00-17:00 часот во Музеј на град Скопје кој се наоѓа кај Старата железничка станица, на ул. Св.Кирил и Методиј б.б. ( поранешна „Мито Хаџивасилев“).
Во склоп на акцијата, ќе бидат доделени благодарници на поединци или компании/институции кои дале најзначаени придонес во процесот на промоција на крводарителството, но и во поддршка на хуманитарните и социјални програми на Црвениот крст и покажале високо ниво на општествена одговорност и солидарност.
Доделувањето на благодарниците ќе биде во склоп на крводарителската акција, со почеток во 11:00 часот.
