Супер херојот на Марвел, Luke Cage е новата серија на Нетфликс, а се чини една од супер моќите на Luke е да го сруши популарниот сервис Нетфликс.
Овој викенд кога беше пуштена првата сезона која има 13 епизоди, серверите на Нетфликс откажаа неколку часа, а гледачите тоа го препишаа на супер херојот на Марвел.
Дури и креаторот на серијата твитна за падот на Нетфликс.
DId y’all break NETFLIX ? #LukeCage
— Cheo Hodari Coker (@cheo_coker) October 1, 2016
Приказната за Luke Cage доаѓа после Daredevil и Jessica Jones, два Марвел супер хероја чии први сезони Нетфликс ги прикажа минатата година.
https://www.youtube.com/watch?v=ytkjQvSk2VA
Улогата на супер херојот ја има Mike Colter, критичарите шоуто го опишаа како темно, но интригантно и брилијантно. Епизодите од серијата се именувани по песни од хип-хоп дуото Gang Starr, со што при самото гледање на ова ТВ шоу ви делува како слушање на албум на познатиот бруклински бенд.
Приказната го опфаќа животот на Luke Cage после случувањата со Jessica Jones и се фокусира на уличниот живот, внатрешните кругови на криминалните организации, полицијата и корумпираните политичари, а воедно и како околината влијае врз младите. Во таа приказна Luke ја има супер херојската улога, првично обидувајќи се да живее мирен живот, сепак победува херојското во него и борбата против криминалот.
МЃ
