Македонската Радио Телевизија како членка на Европаската радиодифузна унија, донесе одлука на годинашниот меѓународен музички фестивал во Европа – Јуниорски избор за песна на евровизија, Македонија да ја претставува новата македонска миленичка – Мартија Станојковиќ.
Со своите извонредни пејачки способности и оригинален артизам претставени на едно од популарните региоални шоу-програми, 12-годишната Мартија ги освои срцата и симпатиите на цела македонска музичка јавност. Нејзината препознатлива посветеност кон музиката и песната, полека и го трасираат патот до професионалната музичка сцена, којашто засигурно и припаѓа.
„Јуниорскиот Евросонг е музички спектакл посветен на постојаното откривање на нови културни посебности на народите на Европа, сцена кадешто се слави талентот, креативноста и пријателството и кадешто се претставуваат пејачките ѕвезди на иднината. Веруваме дека младата Мартија е наш виситински избор“, велат од МРТ.
Официјалното претставување на композицијата со која Македонија ќе се натпреварува во Малта 2016, ќе биде претставена на Македонската Телевизија и пред македонската јавност во месец септември.
Фестивалот ќе се одржи на 20 ноември во Валета, Малта.
